മോഹന്‍ലാല്‍ നായകനായി പുറത്തിറങ്ങിയ ആറാട്ട് എന്ന സിനിമ മൂലം വാര്‍ത്തകളില്‍ ഇടംപിടിച്ചയാളാണ് സന്തോഷ് വര്‍ക്കി.
ഈ സിനിമയുടെ റിവ്യൂ പറഞ്ഞാണ് സന്തോഷ് മലയാളികളുടെ മനസ്സില്‍ ചേക്കേറിയത്.
മോഹന്‍ലാലിന്റെ ആരാധകനെന്ന് അവകാശപ്പെട്ട് സംസാരം തുടങ്ങിയ സന്തോഷ് ഇന്ന് ഓണ്‍ലൈന്‍ മീഡിയകളിലെ സജീവ സാന്നിധ്യമാണ്.
ഇപ്പോള്‍ ഓണ്‍ലൈന്‍ ചാനലുകളെല്ലാം ഏതു സിനിമ ഇറങ്ങിയാലും സന്തോഷിന്റെ അഭിപ്രായം തേടുന്നത് പതിവായിട്ടുണ്ട്.
ആളുകള്‍ ഇദ്ദേഹത്തെ ആറാട്ട് വര്‍ക്കി, ആറാട്ട് അണ്ണന്‍ എന്നൊക്കെയാണ് വിശേഷിപ്പിക്കുന്നത്.
നടിമാരെ കുറിച്ച് സന്തോഷ് സംസാരിക്കുന്ന വീഡിയോകളെല്ലാം സോഷ്യല്‍മീഡിയയില്‍ വൈറലായിട്ടുണ്ട്.
പല താരങ്ങളേയും വിവാഹം കഴിക്കാന്‍ താല്‍പര്യമുണ്ടെന്ന് പറഞ്ഞെത്തിയ സന്തോഷ് വര്‍ക്കിയുടെ വീഡിയോകള്‍ വലിയ ട്രോളുകള്ക്കാണ് വഴിവെച്ചത്.
നേരത്തെ നിത്യ മേനോന്‍, മഞ്ജു വാര്യര്‍ എന്നിവരെ തനിക്ക് വിവാഹം കഴിക്കാന്‍ താത്പര്യമുണ്ടെന്ന് സന്തോഷ് വര്‍ക്കി പറഞ്ഞത് ട്രോളന്മാര് ഏറ്റെടുത്തിരുന്നു.
ഇവരെക്കൂടാതെ നടിമാരായ മോനിഷ മോഹന്‍ മേനോന്‍, നിഖില വിമല്‍ തുടങ്ങിയവരെയും വിവാഹം കഴിക്കാന്‍ താല്‍പര്യമുണ്ടെന്ന് സന്തോഷ് വര്‍ക്കി വ്യക്തമാക്കിയിരുന്നു.
ഇപ്പോഴിതാ നടന്‍ കമലഹാസന്റെ മകളും നടിയുമായി അക്ഷര ഹാസനെ കുറിച്ച് സംസാരിക്കുന്ന സന്തോഷ് വര്‍ക്കിയുടെ വീഡിയോയാണ് സോഷ്യല്‍മീഡിയയില്‍ പ്രചരിക്കുന്നത്.
അക്ഷര ഹാസനെ തനിക്ക് ഒത്തിരി ഇഷ്ടമാണെന്നും അക്ഷരയെ പോലുള്ള ഒരു കുട്ടിയെ കിട്ടാന്‍ വളരെ പ്രയാസമാണെന്നുമാണ് സന്തോഷ് വര്‍ക്കി പറയുന്നത്.
വളരെ സ്മാര്‍ട്ടായ കുട്ടിയാണ് അക്ഷര ഹാസന്‍. അക്ഷരയ്ക്കാണ് കമലഹാസന്റെ ഭംഗി കിട്ടിയിരിക്കുന്നതെന്നും ശ്രുതി ഹാസനല്ലെന്നും ധനുഷിനൊപ്പം അഭിനയിച്ച ഒരു ചിത്രത്തിലാണ് താന്‍ അവരെ ആദ്യമായി കാണുന്നതെന്നും ഭയങ്കര ക്യൂട്ടാണെന്നും സന്തോഷ് വര്‍ക്കി പറയുന്നു.
തനിക്ക് അക്ഷരയോട് ക്രഷ് തോന്നിയിട്ടുണ്ട്. ഇങ്ങെനെ ഭംഗിയുള്ള പെണ്‍കുട്ടികളെ കിട്ടാന്‍ പ്രയാസമാണെന്നും തനിക്ക് ഭംഗിയില്ലാത്തത് കൊണ്ട് താന്‍ പ്രണയിക്കുന്ന കുട്ടിക്ക് അത് ഉണ്ടായിരിക്കണമെന്ന് താന്‍ ആഗ്രഹിക്കുന്നുവെന്നും സന്തോഷ് വര്‍ക്കി പറയുന്നു. നിരവധി പേരാണ് സന്തോഷിന്റെ വീഡിയോയ്ക്ക് താഴെ കമന്റ് ചെയ്തത്.
